Өнөөдөр Гандан орох хэрэг гараад очлоо. Шашны дээд сургууль дотор хүн хүлээх зуураа орчинтой танилцаж байтал ийм нэг үзмэр байна.

Жаахан тоосонд дарагдсанаас биш их гоё, уран хийцтэй дацан, түүн дотор нэг догшин дүртэй бурхан байлаа. Хийцийг нь шохоорхсон шиг тойрч байтал доод талаар нь тойруулан өрсөн дүрснүүд өөрийн эрхгүй анхаарал татаад явчлаа шүү. Энэ ямар учиртай эд вэ, мэдэх хүн байна уу? Толгойгүй хүн. Дүүжлээстэй хүн. Араг яснууд. Үхсэн хүнийг сонирхох араатан. Би бурхан номын талаар мэдлэг үнэн маруухан нэгэн. Гэхдээ энд, бурхан номын ариун газар ийм юм үзнэ гэж төсөөлсөнгүй. Бодвол учиртай л байх даа. Үзсэн харсандаа шоконд орох шахсан би бээр нутгийнхаа жимсийг олж хараад сэтгэл сэргэсэн гэж...мойлхон...моносхон минь.