За хө намрын их ажил шувтрах талдаа орж, тариа ногооны талбайг орхин, блог гэртээ байран суурин байх цаг ирлээ. Эзгүй байх хугацаанд хааяа ч гэсэн орж гарч байсан та бүхэндээ баярлалаа.

Миний бичдэг сэдэв багахан хүрээний сонирхолыг татдаг хэдий ч, цаг зав гарган нийтлэж буй бичлэгүүд маань зорьж ирсэн хэн бүхэнд өгөөжтэй, үлдэцтэй байгаасай гэсэндээ та бүхнийхээ саналыг асууя гэж шийдлээ.

Үл хөдлөх хөрөнгөтэй холбоотой чухам ямар мэдээ, мэдээлэл нийтлээсэй гэж хүсэж байна, энэ блог ямар дүр төрхтэй байгаасай гэж бодож байна, энэ бүгдийгээ дэлгэрэнгүй бичиж үлдээнэ үү гэж хүсье. Цаашид блогоо өөрчлөх, сайжруулах өөрийн бодол бий боловч олны бодол оломгүй тул санаа өгөх, дэмжиж зоригжуулах нөхөд гарна гэдэгт итгэж байна.

Одоохондоо үл хөдлөх хөрөнгийн сэдвээр бичдэг цорын ганц блог (би хайгаад олоогүй байж болохыг үгүйсгэхгүй, хэрэв тийм бол та бүхэн тийм блогийн хаягийг бичиж үлдээгээрэй) хэвээрээ байгаа ч удахгүй "үзэг" нэгтнүүд маань борооны дараах мөөг шиг олшрох биз ээ.

За ингээд хоол болтол шийр зугаа гэгчээр санал бодлоо бичих зуураа хэдэн зураг сонирх доо. Би ч бас зүгээр суухгүй.

 Таныг хүмүүс дандаа урдаас чинь хардаг, харин би хойноос чинь зураг дарчихлаа, уучлаарай бурхан минь.                                                                      Энэ банжигийнхан эрочиг юманд их дуртай гэж. Би ч бас юугаар дутах вэ, нэг хөөрхөн зураг оруулчихъя.                                                                           Ноён Оскар монголд залраад нэлээн удчих шив.                                                  Энд би очих дуртай.Энгийн мөртлөө гоё хийцтэй оргилуур. Дээрээсээ урсаад л...                 Хажуугаар нь гарах болгондоо тухтайхан сонирхож хармаар санагддаг байсан энэ барималыг энэ зун л тогтож харлаа.                                                    Эзэн Чингисийн дүр хаана ч чимэг болох юм даа.                                         Харин эдгээр сайхан амьтдаар чимэг хийхийг хүсэх нь хэр олон байх бол?                                                                                                                                             Засаж сэлбээд, харж хандаад явбал уг нь энд тэнд гайгүй үзэж харахаар юмнууд байдаг л юм билээ Улаанбаатарт.